Careda di drag na Barcadera

4093

Na Aruba nos ta conta cu hopi hende fanatico di e deporte “Drag Race”.  Y hasta na Aruba nos tin nos mesun lugar di race na Palo Marga na San Nicolaas (International Raceway Park Palo Marga), cu a cuminsa opera desde 1983 y cu ta cumpli cu tur e exigencianan di e N.H.R.A. y e I.R.H.A na Merca (National Hot Rod Association y International Hot Rod Association) y awor ta wordo considera como un di e “top race facilidadnan” den Caribe.

Sinembargo e fanaticonan di Drag Race no kier warda riba evento so y ta busca manera, pa nan entre nan mes, reta otro y core contra otro. Debi cu Palo Margo no ta habri pa nan, nan ta busca otro caminda pa practica nan deporte y un di e luganan cu nan sa uza ta e caminda di Barcadera. Esey tabata e caso diasabra anochi ora nos a encontra un grupo basta grandi banda di e keurings locaal nobo di DTI.

Ey dilanti diferente hende tabata pusta contra otro riba un pida caminda, cu aunke basta largo y no mucho frecuenta pa otro trafico, no ta cumpli cu tur e exigencianan manera e Race Way na Palo Marga si tin. Niun di esnan presente kier a bay den un entrevista cu nos di 24ora, pero si a laga sa cu Gobierno tin di habri Palo Marga pa nan, pa asina nan por practica nan deporte sin molestia otro. Dado momento e grupo a diripiente plama for di otro pa supuesto presencia di Polis. Sinembargo niun Polis no tabata t’ey e momento ey.

Algun rato mas laat si informe a drenta cu Polis a bay Barcadera y cu nan a core cu tur esnan presente.Spera cu den futuro por wordo regla algo, paso e caredanan di drag illegal por hinca inocentenan riba e caminda na Barcadera ey den peligro y esey niun hende no lo kier pa pasa.

Careda di drag na Barcadera

Careda di drag na Barcadera

Posted by 24ora on Sunday, November 22, 2020