Diamars alrededor di 5:30 PM polis a presenta na Seroe Blanco ( Caya Dr Arturo Saladin ) pa atende cu un situacion peculiar cu ceramento di caminda sin permiso.
Un Señora cu ta biba na un apartamentnan den e caya menciona, a dicidi di cera e caminda cu un cabuya pa e muchanan den e bario por hunga libremente sin cu auto pasa y stobra nan di hunga.
Polis a informa e señora cu locual el a haci no ta permiti. E no por tuma riba su mes pa pone cabuya y algun obheto riba caminda publico y obstaculisa e pasada di auto. Di otro banda e señora a informa cu el a bay polis ( e no a speficia na unda ) mainta pa pidi permiso pa e por pone e cabuya.
Polis corectamente tambe a puntre si e por suministra e documento cu ta valida su informacion, y caminda ta bisa cu el lo a haya / of cu e tin permiso pa haci tal. E señora no por a demostra esaki. Polis mes ora a dune instruccion pa kita e cabuya pa asina vehiculonan por sigui pasa riba e caminda destina pa trafico.
