Diaranson e tripulante di e avion di Wardacosta a tuma nota di un yamada di “mayday” durante cu nan tabata riba patruyahe.
E capitan a indica via di radio cu su catamaran tabata yenando cu awa y cu e mester di ayudo. E catamaran na e momentonan ey tabata ubica na mas o menos 130 miya noordoost di Boneiro.
Despues cu tripulacion di e avion di Wardacosta a haya contacto cu e capitan, a papia cu Maritiem Operatie Centrum (MOC) di Wardacosta, pa cuminsa coordina e accion di rescate.
Debi cu den e bisindario di e catamaran no tabatin mas barco cu por ofrece ayudo, MOC a dicidi di haci uzo di e helicopter di Wardacosta pa duna asistencia na e capitan.
Despues di a busc’e, a transport’e pa Corsou y a pone den man di Inmigracion cu mester coordina e biahe di regreso pa su pais.
