FTA diamars den oranan di atardi a firma un contracto colectivo nobo cu Stichting voor Verstandelijk Gehandicapten Aruba (SVGA), unda cu partidonan a negocia den un period basta largo. 

Hubert Dirksz, Presidente di sindicato FTA a hiba palabra unda a cuminsa pa splica cu e CAO tin un duracion di tres aña pero a bisa tambe cu awendia e CAO no ta concentra solamente riba e parti financiero, pero tambe e beneficionan.

CAO nobo pa SVGA awor ta inclui partner di empleadonan tambe

CAO nobo pa SVGA awor ta inclui partner di empleadonan tambe. Click link pa mas https://24ora.tv/2M1if7H

Posted by 24ora on Tuesday, October 8, 2019

Esaki ta e caso di SVGA y asina por ehempel a logra cu ora e empleado haci aña ta dun’e cierto beneficio. Antes tabatin beneficio cu ta conta pa casa y awor a inclui cu esaki ta conta pa compañero di bida tambe. Hopi hende no ta casa pero tin añas den biba pa cual den e CAO aki a duna nan e mesun derecho cu un casa. FTA tin esaki inclui den algun otro CAO cu a firma cu empresanan priva tambe.  E suma di hubileo a aumenta ora cu cumpli 45 aña di servicio, cu ta 100% di salario mensual como regalo. “E ta un CAO basta amplio, cu tur su beneficionan. Importante den esaki ta e relacion cu mester existi entre e dos partidonan, sindicato y SVGA, cu e reglamentonan di e fundacion.

Cu e CAO di tres aña’ki nos ta spera di tin trankilidad y mas pasobra e miembronan a bay dilanti.”El a gradici e team negociador y tambe ex Presidente Rudy Geerman, y directora di SVGA.Dirksz a recorda cu tur fundacion ta depende di subsidio y e problema di ultimo añanan cu otorgamento di subsidio a causa trancamento den funcionamento di e fundacion pero e trahadonan tambe. Tin hopi cos cu kier haci pa e fundacion y e trahadonan mientras cu no ta haya esaki na tempo y suficiente, ta keda haya problema. FTA ta spera cu e subsidio di salario (subsidio) bay segun e structura di salario. Pa loke ta operacion y otro beneficionan, ta keda depende di subsidio.

Deborah Alexander, Presidente di e directiva, tambe a hiba palabra prome cu firmament di e CAO y a expresa cu un aspect importante, manera menciona door di Presidente di FTA, ta cu e compañero di bida di nan empleadonan awor ta inclui den e beneficionan di e CAO, ya cu esaki tabata hopi imporante pa derecho igual. E CAO aki tabata masha importante pa trankilidad bou di e empleadonan, pa nan por funciona cu e siguridad cu turn an beneficionan ta ancra.  E directora Elm van Hemelen a bisa cu pa SVGA por cumpli, Gobierno di su banda tambe mester cumpli cu e parti di subsidio manera mester ta.

Comments

comments