Cantidad grandi di mucha a participa den The Race to School na The Yard

Diaranson a tuma luga The Race to School na The Yard den Otaheitistraat. Aki muchanan den varios categoria a participa, caminda cu tabata tin premionan atractivo.

Aldrich Briesen di The Yard BMX Skate Shop, a splica cu for di hopi jong el a cuminsa den e deporte di BMX y Skateboard. Su deseo semper tabata pa traha un parke. Awo cu su yiu a yega na e edad cu e tabatin e tempo ey, e ta duna nan loke el a desea.

Cantidad grandi di mucha a participa den The Race to School na The Yard

Cantidad grandi di mucha a participa den The Race to School na The Yard
https://24ora.tv/2MfXXbC

Posted by 24ora on Wednesday, August 14, 2019

 

Briesen a comenta tambe cu competencia ta nice y a bay bon. Mas of menos 37 mucha a competi den e circuito. E mes a keda sorprendi cuanto mucha a bin participa. E deseo ta pa futuro engrandece e deporte di BMX. Su meta ta pa traha un parke di beton pa e muchanan por disfruta y pa tin algo ya cu e deporte ta bayendo atras.

Mirando cu 2020 skateboard tambe ta hinca den olimpiada, e ta haya cu Aruba tambe mester por tin e oportunidad pa yega asina leu.

Pa loke ta categorianan, tabata tin strider, muchanan 2 pa 5 aña. For di eynan tabata tin categoria 10 y mas abao. Categoria di 17 bay abao y awor aki tin e grandinan. E mucha muhenan tambe tin ta competi.

Briesen kier a gradici na prome luga su famia pa sostene den e locura aki. Tambe e sponsornan entre otro Atco, cu a yuda den e proyecto aki. Tin tambe Two Brother Heavy Equipment cu a yuda hopi bon y e resto di e sponsornan cu a yuda parti premio. 

Ta bay cuminsa cu training proximamente. Si tin un trainer cu kier dedica su tempo pa e muchanan, nan ta mas cu bon bini pa uza e track pa training. Ta purba pa mantene e parke habri anytime. Por drenta sin paga entrada. Briesen ta pusha pa esey, pa Aruba por tin algo cu no mester paga pa yuda e muchanan tambe cu tin menos recurso. 

Tambe e kier a gradici tur esnan cu ta sostene e deporte y esnan cu ta interesa pa cuminsa e deporte, ta bezig cu un fundacion. Tur esnan cu kier sostene e deporte, pa mantene e veld na bida y pa tin mas veld den futuro. Tur florin ta yuda den esaki.