Diabierna personal di Unidad Crimen Organisa, cu ayudo di Flex Team, K-9 y personal di districto Noord, en conexion cu un investigacion cu ta hiba e nomber “Diep”, a haci un entrada hudicial na un percela na Weg Rooi Hundo.
Total tabata tin 10 cumprado di droga y 4 habitante di dicho percela a wordo deteni. Durante buscamento den dicho percela un cantidad di piedra di cocaina, cantidad di placa y artefactonan a wordo haya y confisca. Sigur un bon trabao di parti di Cuerpo Policial y Departamentonan envolvi pa e hayasgo aki.
