Diamars anochi algo pasa di 7or a scucha grito di auxilio den area di Santa di Cacho na Colony. Polis, Polis Maritimo y Kustwacht a mobilisa rapidamente pa asina saca afor kico ta e situacion. For di un principio tabata sospecha cu ta caso di ileganan subiendo tera.
Durante control di ful e area di Colony, Polis a topa un homber banda di e misa. E homber tabata paña muha y no por a identifica su mes. E homber a basha abou cu tin total 30 hende abordo di e boto. Durante e accion pa captura tur e ilegalnan, Kustwacht a topa cu un homber den lama. A rescata e homber y bin saca afor un otro version, cu ta trata di solamente 18 persona abordo e boto.
https://www.facebook.com/24ora.aruba/videos/10160931465095001
A pone helicopter di Kustwacht na disposicion di e buskeda pa e ilegalnan. Te oranan di madruga Polis a keda busca pa e personan cu por a yega tera. Den oranan di mainta a logra haya 5 persona den area di Colony.
