Banco Central a vries tur cos di Giro, pa asina haya un miho bista pa loke ta trata loke ta drenta y sali na e banco.

Diabierna tur hende cu a bin banco, cu nan no por a lanta nan cen, cu no por a cobra, tur e pensionadonan cu tin cu cobra nan placa, por a bin banco for di mainta, pa asina ey por a tuma nan cen te cu un cantidad di 10 mil florin. 

Cantidad di hende a para den rij pa lanta nan placa for di Girobank

Cantidad di hende a para den rij pa lanta nan placa for di Girobank

Posted by 24ora on Saturday, December 14, 2019

No por a lanta tur cos di e cuenta, pero si por lanta te cu 10 mil florin pa asina tin hunto cubo. Tin hende cu ta cobra na e banco aki cu no por a cobra.

Awo ta haciendo e tramitenan pa asina kita for di e banco aki, pone na un otro banco pa, pona na un otro banco pa cosnan por sigui cana. 

Un cantidad di persona a acudi na e banco diabierna mainta, mirando cu abruptamente a paralisa tur cos, a vries tur cos cu ningun hende no por a saca cen, ni for di ATM, ni tampoco den e filialnan di Girobank.

Ta un situacion cu a bira di panico dado momento pero diabierna a bay bon controla pa polis, miembronan di VKC y a organisa for di tempran, pone tur hende den rij, duna nan nan number, pa asina nan por a haci nan transaccion cu nan tabata tin mester di a haci na Girobank.

Acusacionnan di fraude

Fuera di e problemanan cu Girobank tin na Corsou, Giro a bin cu acusacionnan contra e propietarionan di IIG Bank, cu tin un subsidiario na Malta, awo presenta pa e The Securities Exchange Commission (SEC) contra un asesor di inversion.

E reclamo di SEC presenta contra The International Investment Group, un miembro di e grupo IIG Bank di Malta cu sede na New York, ta alega cu a comete “un serie di fraude pa cubri deenas di miyones di dollar den perdida pa mal maneho y mantene riba awa nan negoshi di asesoria di inversion.”

IIG ta specialisa den prestamo di financiamento comercial of prestamonan riesgoso pa empresanan chikito y mediano den mercadonan emergente y ta sirbi como asesor den varios fondo di inversion priva, entre otro Trade Opportunities Fund (TOF), the Global Trade Finance Fund, y the Structured Trade Finance Fund.

MaltaToday a informa anteriormente cu e propietarionan di IIG Malta tambe ta envolvi den un demanda multimiyonario den corte di New York, acusa pa Girobank. Te cu poco tempo pasa IIG Malta tabata envolvi den e caso, acusa di a adkiri un liña di credito di Girobank sin a debolbe e placa presta.

Pero desde cu e caso a cuminsa, IIG Malta ya no ta directamente un di e acusadonan y lo ta trata di su accionistanan beneficiario final, David Hu y Martin Silver, kendenan lo tin cu responde na e acusacionnan di Girobank.

E banco ta bisa cu Hu y Silver, como propietarionan di Internal Investment Group LLC, y directornan di e banco di Malta, a adkiri un participacion mayoritario  na Girobank pa extrae prestamonan di e banco sin debolbe e placa.

Como resultadi di e “eskema fraudulento generalisa,” Girobank ta bisa cu su posicion financiero a deteriora significativamente y a wordo poni bao di un medida di emergencia y finalmente bao di e control di Banco Central di Corsou y Sint Maarten.

Comments

comments