Contratistanan trahando den man camp di CITGO a haya bishita sorpresa. Un team di Warda Nos Costa, Departamento di Labor y Polis a subi tereno di e man camp den un accion relampago na Seroe Colorado. Ta papia di 30 pa 50 persona a keda deteni pa falta di documentonan. E contratistanan tabata trahando riba e ultimo fasenan pa caba e man camp, te cu siman pasa a duna ordo pa para trabounan y haci invetario di equiponan.

Den un caravana di bus y dog catcher di Polis, autobus di Warda Nos Costa a transporta tur e contratistanan deteni pa Sabana Berde. Den comunidad tin hopi keho y disgusto cu a kita diferente local y a laga stranhero keda na trabou pa haci e ultimo fase di e trabounan. Na Warda Nos Costa a bin topa cu diferente abogado y representante di companianan na e sitio, algun tabatin documento na man pa asina prueba cu nan trahadonan ta legal riba nos isla.

 

Algun trahado di un compania tin fecha caba pa bandona nos isla. Representante di compania Azura ta lamenta e sucedido, e la trece na cla cu tur su trahadornan ta legal na Aruba. Tin 23 persona caba cu lo bandona nos isla, tin ticket cumpra pa bay bek na pais cu Avianca. Ta spera di yega un solucion cu WNC over e detencionnan aki.

Accion Guarda Nos Costa a gara hopi persona indocumenta na Man Camp

Posted by 24ora on Monday, February 26, 2018

Comments

comments