Awe 11 persona mas a recupera di COVID-19, pero na mes momento a keda registra un total di 8 caso nobo di COVID-19, di cual tur ta residente, (“positivity rate” awe ta 7 %). Casonan activo pa awe ta na 79, total di testnan haci na airport y hospital hunto ta 256, testnan haci na laboratorio di hospital so ta 83, total di casonan di fayecimento relaciona cu COVID-19 a aumenta na 45.
Averahe di casonan pa dia abase semanal ta 8 caso, averahe di “positivity rate” pa dia abase semanal ta 10%. Hospital ta informa cu tin un total di 9 persona interna di cual 3 ta den Cuido Intensivo y 6 isola riba piso general.
Desde awe Aruba ta riba e lista geel, esey ta indica un biaha mas Aruba ta un destinacion “safe” pa por biaha. Esaki ta un logro grandi cu no tawata posibel sin e esfuerso y disiplina di comunidad y e confiansa buta den e team di maneho di Crisis.
Awor cu Aruba su economia tin e posibilidad pa sigui crece, no ta e momento pa fiesta y lubida e esfuerso y sacrificio cu a haci pa por ta caminda nos ta. E virus di COVID-19 ta presente riba e isla y mester sigui control’e.
Ban sigui mantene distancia, sigui aplica higiena, sigui uza tapa boca, sigui test pa COVID-19 si bo tin sintoma, sigui mantene isolacion of cuarentena manera indica, sigui cumpli y sigui cuida Aruba ta conta cu bo!