E cantante Jelly-yz a drenta studio p’asina graba su proximo exito. E cantica nobo ta titula Tus Ojos. E cantica ta un asina yama remix, mirando cu e ta un adaptacion di e version original. E produccion di e cantica a bay man den man cu Hubert Thiel.
Thiel a percura pa e cantica tin un toke diferente. E cantica mes a ked’i sali den luna di maart, pero a want’e debi na compromiso personal. Ta spera cu tur hende sostene e cancion aki y tambe solicit’e sea na bo radio preferi of riba rednan social.
