Canta pa Farruko y Carlos Arroyo: Ta lansa cancion Aruba awe mey anochi

954

Tin un video clip nobo ta bay sali awe y esaki tin di haber cu Aruba. For di basta tempo caba ta traha riba e idea di “Aruba pa’l Mundo.” Hende tabata puntra pakico esaki pasobra nan no tabata sa. Albert “DJ 101” Vrolijk, locutor y promotor, a bisa cu nan kier a bin cu sorpresa. A traha cu e artista Farruko, kende tabata na Aruba, pero tambe cu e basketbolista Carlos Arroyo, kende a bay den mundo di musica, a dicidi di saca un cantica di Aruba. Despues di tur cos cu ta pasa, e productor a tende cosnan malo pero semper tin cos bon.

El a expresa cu e cos bon ta cu Aruba su nomber lo bay nivel mundial. Pa awe nochi 12:00AM ta lansa e cantica nobo yama Aruba. Door cu hopi artista ta bin Aruba, ta namora di Aruba. Desde basta tempo DJ 101 kier a bisa di esaki, pero no por door di mester a cumpli cu e agencia. El a haya e luz berde for di e agencia pa representa nan y lansa e cantica.

Canta pa Farruko y Carlos Arroyo: Ta lansa cancion Aruba awe mey anochi

Canta pa Farruko y Carlos Arroyo: Ta lansa cancion Aruba awe mey anochi.

Posted by 24ora on Thursday, August 27, 2020

DJ 101 ta invita henter Aruba pa mey anochi scucha e estreno di e cantica Aruba canta pa Carlos Arroyo y Farruko. Tur hende por scucha e cantica aki riba diferente plataforma manera Sportvibe, YouTube. Esaki ta un promocion pa Aruba, na nivel mundial. Aunke cu Aruba ta den un momento dificil, esaki ta un promocion cu tur mester sinti nan mes orguyoso di e pida baranca aki.