Cambionan di ley di Cannabis ta canando su caminda

934

Diaranson Gobierno a anuncia e proceso oficial di destaho publico pa otorga permiso di cultivacion di Cannabis Medicinal na Aruba. Minister di Salubridad, Dangui Oduber a encamina un proceso serio, cumpliendo cu tratadonan internacional. E mandatario a splica cu ta pone hopi enfasis riba Cannabis Medicinal. Esaki ta bay ta un di e condicionnan hopi estricto cu loke cultiva na Aruba y loke ta e producto produci mester ta cu metanan medicinal. 

Partidonan MEP, POR y RED a firma un acuerdo di gobernacion caminda cu lo explora posibilidadnan pa legalisa uzo di Cannabis medicinal y tambe e proceso di cultivacion. Prome cu a tuma e decision pa sigui e proces di haya permisonan pa cultivacion di Cannabis medicinal. A haci un estudio kico e industria aki por nifica pa economia di Aruba, kico e industra aki por crea na cuponan di trabao. Kico e por crea pa entrada pa gobierno di Aruba. 

E industria di Cannabis ta nobo. A haci un estudio na aña 2018. E industria aki a genera mundialmente 12.5 biyon di dollar y e proyeccionnan ta cu Cannabis medicinal na aña 2024, lo produci no menos cu 63 biyon dollar.

Na Aruba tambe a haci un estudio kico esaki por nifica pa nos. E estudio a yega na un conclusion cu si 35 mil meter cuadra ta cultiva na Aruba, e por genera 100 miyon florin. Lo por crea 200 cupo nobo di trabao. E salario averahe ta core entre 3600 y 4000 florin bruto y gobierno lo por ricibi na entrada mas of menos 12 miyon florin. Esaki ta bin di sales tax, for di winstbelasting y tambe e premienan. Esaki ta si Gobierno duna un licensia.

Na october 2017, coalicion a firma un acuerdo di gobernacion pa uzo di cannabis medicinal. Na 2019 a institui un comision pa cuminsa explora e posibilidadnan. A traha un start nota tambe pa ta presenta oficialmente na Conseho di Minister riba e posibilidadnan di e industria nobo aki.

Na luna di maart 2020 a publica un Request for Expression of interest. Aki hopi partido a expresa nan interes pa sea cultiva, procesa, importa y exporta cannabis cu metanan pa traha e producto final cua ta medicinal.

A haya 25 compania cu a expresa nan interes na luna di maart 2020. Paralelo na esaki a haci cambio na e Landsverordening verdovende middelen. Sin e cambionan aki no ta permisibel pa por cultiva Cannabis na Aruba. E proceso di e cambionan di ley a cana su caminda y a bay Raard van Advies. El a bay gobierno y DWJZ. Awor aki e ley ta cla pa bay Parlamento pa finalmente debati riba dje cu e speransa cu ta aprobe den Parlamento.

Expectativa ta cu den luna di fin di februari of maart, e ley aki por ta trata den Parlamento di Aruba.

Loader Loading…
EAD Logo Taking too long?

Reload Reload document
| Open Open in new tab

Download [260.61 KB]