Prome cu 7’or di anochi, na momento cu e candidato riba lista di AVP, Carlos Bermudez a pasa riba e caminda di mondi Fierno, el a ripara un figura, den forma di un hende benta den abismo. Aparentemente ta trata aki di un cabayero di edad, kende tabata benta den mondi entre Mond’i Fierno, direccion Franse Pas. Danki na Dios cu Bermudez tabata atento, cu el a ripara esaki y a yama polis, pa asina duna asistencia na e persona aki. No ta conoci si e cabayero aki lo ta sufri di alzheimer of no, pero afortunadamente, si no ta pa sr. Bermudez, por ta ainda e cabayero aki lo ta benta den e mondi.
