Mientras partido MAS tabata celebra cu nan tin “green light” pa participa na eleccion binidero, di otro banda tabatin un situacion poco tenso. Ta trata di un candidato di partido Pueblo Prome, John De Haseth, e ta cuestiona integridad di personal di Censo. Haseth a dirigi varios palabra na e director di Censo, no necesariamente palabra bunita.
“Si bo no tabata corupto, awe bo lo ta polis ainda”, asina Haseth a bisa Sharlin Luidens cara cara dilanti e oficina di Censo riba L. G. Smith Boulevard. E candidato di partido Pueblo Pueblo ta cuestiona e forma con firmament’i lista ta tuma luga. Mirando cu partido Pueblo Prome ta falta varios firma ainda pa yega 587, e candidato a bira emocional y dirigi su mes na un forma directo y habri na e director di Censo.
Na mas cu un ocasion el a yama Luidens pa corupto, el a reta e director pa hib’e Corte tambe si e ta desea. “Bo ta un corupto, John De Haseth di”, asina el a termina bisando.