Candela riba Dump un biaha mas: A haya aprobacion pa kima mata y esaki a expande

Un situacion basta serio un biaha mas riba Dump na Parkietenbos. Candela a expande y bira grandi causando malester grandi den e araa como tambe un bista preocupante pa cu medio ambiente.

E situacion aki a presenta den ora di mainta y a mobilisa tur departamento concerni pa e area. Mirando cu e ta un area dificil pa yega na dje, e esfuerso pa paga e candela aki semper ta un reto. Tin cu tira santo of laga e candela paga riba su mes cu ta pone cu e huma preto aki lo sigui causa molester pa un rato basta largo.

Atrobe dump di Parkietenbos na candela

Atrobe dump di Parkietenbos na candela. Click link pa lesa mas https://24ora.news/3bu3ARz

Posted by 24ora on Friday, June 24, 2022

Segun por a compronde na sitio, cu personal di Serlimar lo a haya aprobacion pa kima algun mata riba e tereno pero su esaki lo a yega te na e area caminda e tairanan ta y a expande rapidamente causando un candela grandi riba dump. E magnitud di e candela ta hopi grandi, ta yega te den area di airport cu ta duna impersion cu por ta esaki ta na candela.

Ademas di e bista preocupante tin di corda riba e holor toxico cu ta expande den henter e area pero tambe den e barionan mas cerca. Te na e momento aki no ta mira solucion di parti e gobernantenan pa locual ta trata dump y mientrastanto e situacion ta keda un problematica grandi.