Candela intencional: Edificio bandona a bira centro di adictonan den Playa

2459

Awe nochi pa mas o menos 8:00pm a bati alarma pa un candela intencional den e edificio bandona color blauw, situa net banda di ex Hotel Central, den centro di ciudad. Adictonan ambulante ta frecuenta den e edificio, ta biba eyden, ta uza droga eyden y probablemente den proceso di prepara “base”, a cende un candela intencional.

E candela a expande pa cual mester a solicita ayudo di Brandweer pa por a combatie. E edificio aki tabata di David Cybul pero a pas’e pa un yiu di dje cu no ta biba na Aruba. A haci hopi intento pa purba convence e yiu pa sea bende e propiedad of pa cer’e pa evita cu adictonan ta drenta aden.

E ta logra pa algun tempo pero e adictonan semper ta haya entrada bek pa e luga, cu tur consecuencia. Den pasado a yega di tin un gym eyden y despues tambe misa. Pero falta di parkeerplaats y invasion di adictonan di vecindario semper a core cu e huurdonan. Tanten no logra cera e edificio, e problema lo continua, te ora cu e adictonan haci un daño mas grandi riba e edificio. Nan ta na ora ainda pa actua.

Edificio habita pa adictonan ambulante na candela

Posted by 24ora on Friday, August 14, 2020