Awe den oranan di atardi por a mira vlam y huma, for di leu, riba dump di Barcadera. Un cantidad di yamada a drenta na oficina di 24ora.com riba e situacion reinante.
Esaki tabata e di tantisimo biaha cu por a mira e huma preto riba dump, apesar cu no tin e tipo di operacionnan eyriba.
E situacion di dump ta uno cu ta bin desde hopi tempo y ainda no tin solucion p’e. E biaha aki e huma tabata bay direccion zuid. Cada bes cu tin candela grandi, e habitantenan ta sinti molester di e huma di dump. E situacion aki ta uno fastioso, p’esey e habitantenan ta pidi yudansa.
Riba e caminda di Bucutiweg por a mira varios habitante para pafo ta mira e situacion. E biaha’ki e huma no a bini direccion di e casnan. Na e sitio no a logra haya informacion di con tin candela un biaha mas riba dump.
