Diaranson anochi algo pasa di 10or for di un distancia por a mira vlamnan di un candela basta grandi pabou di edificio di Ecotech na Barcadera. Riba e tereno den e zona industrial tabatin un cantidad di sushi y yerba cu pega na candela. Bomberonan a keda riba un distancia ta wak e situacion mirando cu e no tabata forma un riesgo pa propiedad.
E huma si a causa molester pa algun cas mas banda pabou di e tereno. Polis a cera e area pa sigura ningun di esnan curioso subi e tereno. Tabatin hopi automobilista cu a desvia for di caminda di Green Corridor pa yega mas cerca wak kico ta na candela. Durante e anochi di Dera Gay tabatin diferente asistencia e.o. na Sta. Cruz, Santo Largo y Saveneta.
