Siman pasa Departamento di Salubridad Publico a anuncia cu luna di Februari completo lo ta dedica na Cancer. Lo bay tin diferente siman cu lo enfoca riba un tipo di cancer, unda cu lo bin cu informacion pa comunidad, segun Jurette Croes di e departamento di comunicacion y informacion.
Siman pasa a cuminsa cu cancer di pecho y e siman aki DVG su topico di siman ta cancer di tripa.
Cancer di tripa ta ubica na number 5 di e top cinconan di cancernan mas comun na Aruba, cu un averahe di 12 morto pa aña, soy coy cifranan for di 1999, te cu 2016.
E siman aki lo kier informa y educa comunidad riba e factornan di risico cu ta hunga un rol riba cancer di tripa. Kico ta e sintomanan pa por detecta nan na tempo y tambe con pa preveni of pa desaroya cancer di tripa.
Departamento di Salud Publico ta desea pa comunidad tuma bon nota di tur informacion relevante na cancer di tripa. Mas cu claro trabao na DVG ta pa duna informacion, cu e meta pa yuda comunidad reconoce e sintomanan mas tempran posibel y si bo a reconoce esakinan, no tene miedo, acudi na bo dokter di cas, pasobra mas tempran cu bo detecta esaki, ta mas miho y mas chens bo lo tin pa recupera di esaki.
