Aruba ta haciendo tur lo posibel pa evita cu esnan cu ta biba riba caya ta laga un mal imagen cerca e turistanan cu ta bishita centro di ciudad. Awo ta resulta cu un stranhero ta cana den caya den mal estado dunando nos isla un mal nomber.
Un ciudadano a conta con e tabata den bisindario di Checkpoint, patras di centro di ciudad, ora cu di repente un homber di edad caba a aser’ke. E persona aki a bis’e na Ingles cu e ta di Canada y si e por regal’e 5 of 10 florin. E no a menciona ta pakico e mester di e placa.
Segun por a compronde for di algun persona, e paña di e homber aki no ta sushi, cu ta mustra cu e lo mester tin un caminda di keda, of recientemente el a keda sin placa of e ta gaña. Lo ta bon pa autoridadnan tira un bista den centro pa investiga e situacion aki.
