Canades gara cu droga den palonan di golf a bin di Aruba

Un homber Canades di 48 aña a wordo aresta despues cu cocaina a wordo haya scondi den palonan di golf cu a origina na Aruba.
Riba dia 28 di Februari, Servicio di Frontera Canades a haya e cocaina den un paki cu tambe a contene un saco di golf y un set di palo di golf, a wordo entrega na polis Canades (Royal Canadian Mounted Police) na aeropuerto, segun un rapport traha diabierna.
Segun e website di noticia therecord.com y tambe canadapolicereport.ca, debi cu e palonan di golf tabata destina pa un adres na Kitchener, Ontario, polis a bin cu un prueba di buskeda pa un cas riba Penelope Drive.
Polis a confisca mas di un kilo di cocaina.
Courtney Burke di Kitchener a wordo haya culpabel di importa droga ilegalmente den Canada, posesion y posesion cu e meta pa traficacion di droga.