Ainda por corda e caso cu riba 30 di April 2017 a tuma luga na un cas na jaburibari. Un grupo di Canada cu ta den cosnan di baho mundo a considera Aruba paraiso pa nan fechorianan.
Den e caso aki un figura Canades Peligroso a los tiro den un trip envolvi cu droga. Despues cu morto a cay cu tiro tur hende a spat for di e cas huy. Autoridad a yega mesora y cuminsa investigacion.
A haya diferente informacion na e sitio cu a conduci na nomber y datos di e sospechoso. Un di esnan cu a huy a accidenta prome na Calabas. Asina a sigui busca drechi di e otro grupo cu tambe a bandona e cas den un otro auto. Eyden e sospechoso principal tabata. A topa e auto banda di Hotel y a sigui e auto. Esnan den e auto a huy pa Polis pero durante persecusion e auto a bolter banda di Hato riba e caminda direccion Tanki Flip. Eynan a detene varios sospechoso entrenan e Canades M.T.G. di 28 aña cu ta esun cu a tira mata na Jaburibari.
E tabata un sospechoso busca pa husticia Canades. E caso a tarda pa bin dilanti huez. Diabierna awor cinco di April e caso lo ta den corte. E motibo cu a dura asina largo tabata cu mester a scucha dos testigo na Canada y a dura masha tempo pa particularmente localiza e hendenan aki. Y despues pa prepara e trabao di scucha nan y ehecuta esaki. Tur e tipo di trabaonan aki ta bay via rechtshulpverzoeknan, caminda esun pais, den e caso aki Aruba, ta pidi yudanza na autoridadnan di un otro pais, Canada den e caso aki.
Finalmente a logra localiza nan si y scucha nan. Den casi dos añanan cu a pasa, e caso a bin pa dilanti pro forma 7 biaha. E asesinato mes a tuma lugar riba 30 di april 2017. Ora cu e detencion a cay dia di e tiramento, Canada a tende y a resulta cu e ta usa number falso y asina a logra sali di Canada. Na Canada autoridad a pidi su extradicion. Awor mester atende cu e castigo na Aruba prome cu entrega e asesino na Canada.
