Enconexion cu ASU Olimpiada, Aruba Amateur Weightlifting Association lo bai tin nan magno evento cu ta e Campionato Nacional di hisamento di peso. Esaki ta wordo teni riba diasabra 25 novemeber 2017.. Den e campionato nacional aki lo tin participacion di un cantidad grandi di atletanan masculino y femenino. E campionato aki ta bai tuma lugar den Compleho Deportivo Frans Figaroa na Noord. Pisamento di atletanan ta 1:30pm. Competencia ta cuminsa pa 15:30pm y ta termina 7:30 di atardi. E Campionato Nacional aki ta wordo dedica na un ex – hisador Maritza Luidens cu den pasado gana medaya di Oro den Campionato Internacional na Puerto Rico. Na e competencia aki nos lo hanja participación di Corsow cu lo bin cu un team duro pa bataya cu e atletanan di Aruba. Den e campeonato nacional lo participa diferente atletanan di club di Crossfit cu ta hopi activo den e deporte di weightlifting aki y varios di nan atletanan lo trata di kibra record nacional den e maximo evento di weightlifting na Aruba. Alaves e campeonato aki ta pa saca un selección pa bai competi den e
campeonato internacional na Corsow den luna di december. Ta bai wordo hisa den categoría di hubenil, Junior, senior y master. Nos por spera sigur un bunita competencia yena di ambiente deportivo unda sigur varios di e atletanan lo sali demostra nan talento den e disciplina di snatch y clean and jerk. Aruba Amateur Weightlifting Association ta pidi tur Voluntarionan, scorer, refereenan pa ta na tempo pa asina nos por cuminsa na ora. Aruba Amateur Weightlifting Association kier a invita tur fanatico di Hisamento di peso pa bin apoya nos atletanan den e campionato nacional di hisamento di peso cu ta tuma lugar den Compleho Deportivo Frans Figaroa na Noord.
