Campeonato softball Copa Navideño 40+ a inicia den fin di siman

E aña aki un biaha mas a tuma luga e campeonato di Copa Navideño 40+ 2018, cual ta e di 4 campeonato. Un total di 7 team ta participa y buscando pa bira campeon di e campeonato. E campeonato a cuminsa dia 2 di november na veld di Flatstone y lo termina dia 2 di december. Pa 4 siman largo e 7 teamnan lo ta competiendo contra.

E teamnan participante ta Survival, Sniper Birkenstock (B-stock), Legend, Optica Libra, Criollo Reds, Los Amigos y Quisqueya. Durante e 4 fin di siman hunto cu e campeonato di 40+, tambe lo tin weganan amistoso entre diferente compania. Den fin di siman a tuma luga diferente wega, unda cu e 7 teamnan a cuminsa bataya. Diasabra e prome wega tabata entre Optica Libra y Sniper Birkenstock, cual wega a termina 6-5 na fabor di Optica Libra. E di dos wega tabata entre Quisqueya y Criollo Reds, unda cu Criollo Reds a perde 17-7. E ultimo wega di anochi Legend a bay cu e victoria di 4-3 contra Survival.

Diadomingo mainta e campeonato a cuminsa, unda cu den oranan di atardi a tuma luga e competencia di 40+. Den e prome wega Los Amigos a topa cu Sniper B-stock, cual wega Los Amigos a bay cu e victoria di 12-7. E di dos wega Optica Libra a enfrenta Criollo Reds, unda cu Criollo Reds a busca pa bay cu e victoria ganando cu e score di 12-8.

Fin di siman aki e campeonato ta sigui cuminsando diabierna cu weganan amistoso desde 5:30pm te cu 12:00am, unda cu e prome wega lo ta entre Jandoret Corsou y Survival Aruba 50+. Diasabra weganan lo inicia desde 1:00pm te cu 12:00am, unda cu e weganan di 40+ lo cuminsa pa 5:00pm entre Survival y Sniper B-stock, sigui pa 6:45pm entre Legend y Optica Libra, mientras pa 8:30 Los Amigos y Criollo Reds lo enfrenta otro. Diadomingo e weganan lo cuminsa desde 10:00am te cu 6:30pm. E dia aki lo tin 2 wega di 40+, unda cu pa 1:30pm Optica Libra lo enfrenta Survival y pa 3:15pm Sniper B-stock contra Quisqueya.

Organisadonan ta invita tur hende pa yega e fin di siman aki na veld di Flatstone y bin presencia weganan di softball 40+. E final lo ta dia 2 di december, unda e dia aki Gaita Las Unicas lo ta tocando pa 3 ora, di 5:00pm-8:00pm.