Campeonato di softball femenino a culmina cu Lady Tigers como campeon den un final dramatico

Recientemente Aruba Softball Bond tabata tin e culminacion di e campeonato di softball fastpitch femenino cu a bay entre e finalistanan Lady Tigers y Eagles. Mester bisa cu e fanaticada cu e presencia e tres weganan di final a mira un senjor di wega.

Dos ekipo finalista bon balansa cu tremendo pitcheo, bateo y fildeo cual a demostra cu Aruba su ekiponan di softblll femenino apesar di un edad hoben, tin e potencial pa concuri den exterior.

E  wega final di softball por a bay ambos banda, sigur den e ultimo turno na bate pa e ekipo di Eagles cu na e momento ey tabata tin 3 coredor na base cu 0 out y atras pa 1 careda so. Pero e experencia y respaldo den fildeo di Lady Tigers Aruba Bank y nan pitcher estelar Rudlyn Ras a paga e candela net na tempo pa nan titula campeon. Na final presidente di Aruba Softball Federation, Sr. Endy Croes hunto cu e demas miembronan di ASF a parti premionan individual pa esnan cu a resalta como tambe e copanan di campeon y sub-campeon.

Stichting Sportsubsidie Aruba ta contento di por aporta y brinda e ayudo na e federacion di softball, ASF cu a organisa e campeonato di softball femenino pa su miembronan.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.  Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.