Campaña di “Like & Share” pa Semana Santa riba Facebook

Headlines Group, e cas editorial di e website mas mira na Aruba, 24ora.com, a lansa awe un otro campaña sensacional pa celebra 11 aña di existencia y alabes pa Semana Santa. Hunto cu patrocinadonan y sostenedonan di nos website, a logra tres premio fabuloso pa tur cu “Like” y “Share” e premio cu nan lo kier gana riba Facebook. Diamars dia 27 di maart 2018 lo saca e ganadonan pa nan por disfruta di e premio den e weekend ey mes!

E prome premio lo ta un estadia pa Semana Santa na Tropicana Aruba Resort & Casino, pa un famia di maximo 4 persona. Ta drenta hotel diahuebs santo y ta sali dialuna despues di Pasco Grandi.

E di dos premio ta un cena pa un famia, di maximo pa 4 persona, na e prestigioso Marina Pirata Restaurant…den cual por sigui cu e tradicion di come cuminda di lama fresco, di Aruba mes y prepara segun e tradicion netamente Arubiano.

E di tres premio lo ta un jug grandi, cu cahanan di refresco, cerbes Chill, di whisky, di rom y di Dry Gin, pa cortesia di Tropical Bottling Company. Un jug yen yen asina ta ideal pa tur cu ta bay campa of pasa dia na lama cu famia durante Semana Santa.

Headlines Group ta e caso editorial di e website 24ora.com, e prome site di noticia di Aruba, funda dor di Mark Benson Denz na Maart 2007. Diariamente mas o menos 16 mil diferente usuario ta subi online, mas cu 4 biaha y ta keda casi 3 minuut cada biaha. Pa siman, e cantidad ta alcansa 50 mil usuario y pa luna e ta mas di 145 mil diferente usuario. Riba Facebook nos ta e pagina di Aruba cu mas “like”, mas o menos 53 mil y tambe mas “engagement” (11K).