Campamento di Sonrisa a caba cu broche de oro na The Pearl Condo Hotel

361

Diasabra ultimo a tuma luga e clausura di un siman di dibersion pa e clientenan di Sonrisa. Tur dia tabata tin un actividad pa nan.

Por ehempel dialuna nan a tene un offroad. Sigui pa diamars, eleccion di Miss Festival na Fort Zoutman. Diaranson nan a bay waterpark. Diahuebs nan a bay Cinema, pa diabierna drenta den The Pearl condo Hotel pa sali bek diadomingo.

Como clausura di e campamento, nan tabata tin un show caminda tur grupo mester a prepara. E gruponan a tene un show di moda y tambe baile. Varios mayor di e clientenan a bin specialmente pa wak e show.

Sin duda esaki tabata un campamento exitoso, caminda un y tur a pasa hopi leuk. Awo, pendiente pa e siguiente aña pa un otro exitoso campamento.