Caminata di Paz na memoria di difunto Camilo

Diadomingo 28 di october ta sali pa 5’or di atardi un caminata diferente na esnan cu ta custuma cune riba nos isla. E ‘Caminata di Paz’ manera a keda yama, ta organisa pa famia y amigonan di difunto Camilo Alejandro Carreño Sosa na honor di su memoria, pero tambe pa crea consenshi den nos comunidad.

Den conferencia di prensa, mama di e hoben asesina den area di Palm Beach algun siman atras, ta papia di con, hunto cu tur fundacion na Aruba, kier difundi mas e balornan cu lo hiba nos na tin un comunidad mas sano.

Caminata de Paz para concientizar a el pueblo de Aruba

Posted by 24ora en Español on Friday, October 26, 2018

Raquel Carreño Sosa, compaña pa Tata y pareha di Camilo a indica cu ademas di paz, ta busca pa bini hunto y manifesta mas amor, compasion, justicia y pordon. “Pa mi y pa mi casa e dolor aki ta hopi grandi y nos no kier pa ningun hende mas mester pasa den dje.”

E caminata ta sali for di rotonde di Ritz Carlton direccion Palm Beach Plaza, bira na man drechi pasa dilanti di high rise hotels y caba na sede di Strandpolitie pazuid di Riu Palace Antillas.

Na final, e famia a expresa nan gratitud na henter e isla pa tur e expresionnan di convivencia, apoyo incondicional di tanto individuo como tambe institucionnan, incluyendo Cuerpo Policial. A reitera e invitacion pa un y tur asisti na e momento special cu lo ta e caminata.