Caminata 5K Gubernamental ta bay ta diasabra awo

OLYMPUS DIGITAL CAMERA

Diasabra awo, 13 di April, Activiteiten Commissie Directie Financien (ACDF), ta bay tin un caminata 5K gubernamental, saliendo for di Emma School pa 5’or y mey di atardi rumbo Matidiviri y caba bek na Emma School. Registracion ta cuminsa pa 4’or na Emmaschool mes na Ayo.

Prijs pa participacion ta 5 florin pa persona, incluyendo awa, patia na final y doorprize. Pa ticket por haya esaki na Directie Financien. Pa mas informacion por yama telefon 5223361, 5223330 of 5223341.

Lema di e aña aki ta “Di Colega pa Colega”. ACDF ta invita tur empleado publico pa bin participa. Tur fondo recauda unda cu den luna di September, cu ta un social month, ta bay entrega na un instancia of fundacion no subsidia pa Gobierno.

E comision di actividad ta trahando duro pa haci e caminata aki posibel “Di Colega pa Colega”.

Asina ta, si bo ta traha den sector publico y kier tene bo mes fit, yega diasabra awo na Emma School, inscribi y participa na e caminata.

Comments

comments