Cameponato 40+ di FEDEVETA ta start play-off

Na juni a start e campeonato di futbol veterano 40+ dirigi pa nos federacion FEDEVETA, nos a start cu 11 team unda tur a hanja chens di hunga contra otro 1 biaha.
Siman pasa diasabara 2 September a tuma lugar e ultimo rond y na unda nos a keda kla cu e standing y asina nos por bay play-off mane ta skibi den nos reglamentonan.
Na prome lugar a keda Dakota Starzz, cu a start un tiki off, pero den e ultimo parti ta logra gana hopi wega y ta kaba na promer lugar. Di dos lugar a bay pa Deportivo Nacional, cu ja semper ta den e topnan. E rebelacion di e campeonato aki ta Teachers United na di 3 lugar. Teachers a cunsa hopi bon y a sorprende varios team y tawata basta tempo na prome lugar. Na a hasi cambio y a hanja basta refuerso di hungador procedente di Peru. Na di 4 lugar a keda Jong Aruba /United, esaki ta dos team cu a uni forsa y a sali nan bon, ja cu nan a kaba na di 4 lugar. Bubali a cunsa zwak, pero den e ultimo fase sigur a demostra bon futbol y a kaba na 5 lugar. 6 Lugar a bay pa Caravel cu sigur semper un team fuerte, e anja aki tambe ta asina. SCA di paradera a logra kaba na di 7 lugar. Na e ulitmo lugar pa drenta play-off 40+ a keda e campeon di anja pasa Inter. Nan a start bon pero na caminda a perde varios wega pero asina mes a logra di clasifica.
E play-off lo start diasabra awor na veld di Caiquetio, lo wordo organisa pa Hooiberg Vets y sigur lo zorg pa nos play-off bay bon organisa y cu dushi ambiente.
Play-off lo ta, mane nos reglamento ta bisa, nummer 1 di standing contra 8, nummer 2 contra 7, nummer 3 contra 6 y nummer 4 contra 5.
Nummer 1 ta kies e ora cu kier hunga prome, despues 2 y ultimo 3 ta kies e ora cu e ta kere ta mihor pe.
Nos ta hanja e siguente weganan pa play-off.
5:30 Jong Aruba/United conra Bubali
7:00 Nacional contra SCA
8:30 Dakota contra Inter
10:00 Teachers contra Caravel
mediante esaki nos ta invita tur amante di futbol y Aruba complete bin wak bon futbol y goza di nos talentonan den futbol pero awor cu mas experiencia.