Calendario di Deporte Escolar ta cla pa kleuter, basico y scol avansa

Instituto Biba Saludabel y Activo (IBISA) den un conferencia di prensa a anuncia nan calendario deportivo escolar. E directora Monique van Embden, a splica cu e programa di deporte escolar ta cla pa cuminsa asina cu scolnan habri nan portanan.

Aña pasa e programa a cera cu e Olimpiada Escolar, introduci bek, cu a resulta den un exito total. E ta algo cu IBISA ta spera a motiva scol, docente y studiantenan pa percura cu e aña escolar aki nan participa atrobe.

IBISA pa un tempo a bin ta trahando riba e programa, basa riba e espacio cu tin disponibel den e programa escolar, cu ta tuma luga banda di e actividadnan deportivo cu IBISA ta organisa pa e scolnan.

Calendario di Deporte Escolar ta cla pa kleuter, basico y scol avansa

Calendario di Deporte Escolar ta cla pa kleuter, basico y scol avansa. Click link pa mas https://24ora.tv/2H6HjqG

Posted by 24ora on Tuesday, August 13, 2019

Edgar Erasmus, Hoofd Sport & Beweging na IBISA, a duna un resumen di e deporte escolar 2018-2019 cu a inclui re-introduccion di Olimpiada Escolar. E ultimo aki a resulta den un exito cu participacion di 29 scol basico, 11 scol avansa y 6 scol preparatorio.  Tur scol a haya un chens husto pa participa den e torneonan organisa pa IBISA pa clasifica pa hunga e final den e Olimpiada Escolar.

El a splica tambe cu den e Olimpiada Escolar tabatin 13 disciplina deportivo, cu a inclui introduccion di “Cross Fit”; Kid AThletic, baile deportivo y natacion a wordo treci bek. “Nos ta hopi contento cu e participacion y e scolnan cu a aporta na deporte escolar. Nos ta spera di haya cooperacion di scolnan, pasobra e ta un programa di despues di scol cu tin su retonan.”

William Erasmus, encarga cu e programa di Deporte Escolar, a papia cu e lo no ta diferente cu otro añanan. A traha tres calendario pa scolnan preparatorio, scol basico y enseñansa avansa. Pa e muchanan di kleuter tin 4 deporte den cual nan por participa. Pa studiantenan di scolnan basico y scol avansa tin deportenan di team y individual. Tin tres deporte, pa cualnan no tin clasificacion y esey ta pa scolnan cu no a clasifica den otro deporte pa e Olimpiada Escolar.

E calendario, hunto cu formulario di inscripcion, ta bay pa e scolnan. A base di e inscripcion ta bay traha e schema di weganan. Dia 20 y 21 di augustus e coordinadornan lo pasa e scolnan pa reparti tur formulario y e siguiente siman ta pasa pa recoge e formularionan. E prome competencia cu ta bay cuminsa cun’e ta trefbal, cualnan ta tuma luga despues di merdia.

Loader Loading...
EAD Logo Taking too long?

Reload Reload document
| Open Open in new tab

Download [261.18 KB]

Loader Loading...
EAD Logo Taking too long?

Reload Reload document
| Open Open in new tab

Download [251.10 KB]

Loader Loading...
EAD Logo Taking too long?

Reload Reload document
| Open Open in new tab

Download [256.89 KB]