Diahuebs mainta den careda di 11’or polis y tambe Mobile di Ambulance a presenta na St.Vincent, unda e conoci di Polis a.k.a Calbas(15) a maltrata su ruman muhe.
Na e sitio nos a compronde di e wela cu Calbas ta un mucha masha problematico mes. Elo a yega na e adres y sin un motibo valido a cuminsa busca problema.
Dado momento e wela a scucha grito di e nieta y a yega hay’e baña na sanger. El a bisa e wela cu Calbas a dal’e cu un pida palo den ariba su nanishi. Mesora cu a yama polis Calbas a core bay.
Segun e victima mes a conta, e porta di camber tabata un poco kibra y Calbas mester drech’e. Na final, el a rabia cu su ruman muhe pasobra el a laga e porta di dilanti habri y a dal’e cu e biga.
Polisnan ta man na cabes cu e hoben di 15 aña aki. Ta multiple caso tin contra e mucha aki cu posiblemente lo por ta sufri di un of otro enfermedad mental.
Algun tempo atras den Caya Papa Juan Pablo Dos (Rondweg) el a pasa dilanti un cas y a dal un cacho den cura di cas un biga ariba su cabes mat’e. Tanto Transportwagen y patruya a keda circula den area di Tarabana y Dakota buscando e hoben peligroso aki. Algo mester por wordo haci cu e mucha aki prome e mata un persona.
