Caiso & Soca Monarch tabata monster diamars anochi

Varios hende por a tuma nota cu e Festival di Caiso & Soca Monarch a crece barbaramente. Tabatin algun composicion monster durante e evento. Edwina Werleman di Stichting Musica a comenta cu por a mira un anochi cu a crece. Mescos cu dialuna anochi, tabata tin un tremendo presentacion, un competencia basta fuerte. A conta cu 7 banda un biaha mas y 27 cantante y un total di 39 composicion.

Dialuna por a mir’e y sinti’e y diamars un biaha mas. Ta keda Werleman solamente pa desea e cantantenan exito y ta premira cu awe diaranson anochi, lo bay tin un anochi un tiki mas grandi. Ta bay tin un tiki mas participacion. Shete banda atrobe pero na composicion tin mas hopi.

Definitivamente tin un calculacion di mas of menos 17 Caiso. Por bisa cu pa custumber ta entre 10 y 15 dependiendo di e final.

Caiso & Soca Monarch tabata monster diamars anochi

Caiso & Soca Monarch tabata monster diamars anochi. Click link pa mas https://24ora.news/3aNlIkx

Posted by 24ora on Wednesday, January 29, 2020

Pero diaranson lo anuncia exactamente cuanto Caiso lo bay final y cuanto ta e Socanan cu ta bay final.

Pa prome biaha Caiso

E aña’ki tabata prome biaha cu Jeffrey Kelly a participa den Caiso. E tin e experiencia di ta rey di Tumba na varios ocasion cu su cancionnan fuerte cu a sa di pone hende riba pia. Pero esaki sigur ta un experiencia diferente.

E ta conta cu pa ta prome biaha el a bay hopi dushi. E tempo tabata cortico pa prepara. Naturalmente pa hinca coupletnan den otro. El a logra hinca cuater couplet den otro. E palabranan ta papia pa nan mes.

Ta conta un tiki di kico ta pasando y na un manera humoristico ta trece criticanan over y por ta hasta na un manera sarcastico. Pero e ta all fun intended, el a bisa.

E aña’ki tabata prome biaha cu Jeffrey Kelly a participa den Caiso

E aña’ki tabata prome biaha cu Jeffrey Kelly a participa den Caiso

Posted by 24ora on Wednesday, January 29, 2020

El a pasa asina hopi dushi cantando Caiso riba escenario, hunto cu Giovanni y Valentino y no ta descarta cu esaki no lo ta e ultimo biaha cu e lo ta cantando Caiso.

Jeffrey a comenta cu den pasado, tabata Tumba. Pero el a contribui 10 aña na tumba y awo ta momento pa busca otro retonan. Sigur Caiso ta un di nan y e no por kere ainda con bon el a pasa. Sigur ta algo cu e lo ripiti den futuro.

Algun critica constructivo

Juancho Peterson ta un polis cu a baha cu pensioen. Sinembargo Carnaval ta den su sanger. Carnival Village ta cerca di su cas y na pia e ta cana bay. Pero e ta critico.

El a conta cu e luga yama Carnival Village y ta pa Carnaval y ta senti cu tur cos di carnaval mester haci eyden, cual el a enfatisa ta su opinion personal.

E tabata tin su opinion cu tur e boothnan cu a wordo traha den e luga, mester ta en realidad pa e hendenan cu ta engrandece nos carnaval di Aruba, cu ta hinca hopi placa den dje, cual ta e gruponan.

Juancho Peterson: Carnival Village ta pa Carnaval y ta senti cu tur cos di carnaval mester haci eyden

Juancho Peterson: Carnival Village ta pa Carnaval y ta sinti cu tur evento di carnaval mester ta eyden

Posted by 24ora on Wednesday, January 29, 2020

P’e, e gruponan ta esnan cu mester a haya e boothnan cu nan por yuda. Pa e participantenan haya un tiki menos peso pa nan cubri nan gastonan. Hopi hende ta den carnaval. Ta imposibel pa bisa cuanto placa e hendenan aki ta gasta pa engrandece nos Carnaval.

Peterson mes tabata tin bon salario como polis pa casi 39 aña. E mes tabata pensa cuanto e muchanan ey mes ta gana pa nan haci esey y esey ta pa Carnaval.

Awo no kier duna e gruponan e oportunidad pa tin algo pa yuda pa nos carnaval por crece. Tur cos ta birando caro tur dia. “Awe bo ta haya e prijs aki, mañan un otro prijs.” Pa e parti ey e ta desapunta pa un Carnival Village. E no ta en contra, pero ta duna booth na hende cu no tin di haber cu carnaval pa nan gana placa riba dje.