Cachonan na Paradera tin bisiñanan fada

3274

Mary Josef Perez ta biba na Paradera desde 2014 y tin problema cu Sra. Kiki, kende ta biba den un trailer sin awa y coriente. Esaki ta bin pa motibo cu Sra. Kiki tin yen cacho y na diferente ocasion el a yama polis. Polis a presenta, pero no ta haci nada. E bisiñanan a fada di e situacion y ta buscando un solucion. Den luna di Augustus dilanti nan cas tabatin yen sushi y a yama polis di bario, kendenan a presenta.

Polis di bario a yama Mary Perez pero no a duna niun contesta. Loke cu a bisa su persona ta cu e tereno ta priva y nunca el a bay DOW. Mary Josef Perez a dicidi di bay notario y DOW, unda cu el a ricibi su papel di tereno indicando te unda esaki ta yega.

Cachonan na Paradera tin bisiñanan fada

Cachonan na Paradera tin bisiñanan fada. Click link pa mas https://24ora.news/3dOYPP8

Posted by 24ora on Thursday, April 2, 2020

Tur sushi cu tin ta trece raton anochi, pero tambe e cachonan ta stroba nan di drumi. Tin yen di pupu di cacho y e holo ta drenta cas di Mary Perez. Esaki ta un situacion cu e no por soporta. Polis y polis di bario mester bin cu un solucion. Nan ta cansa y fada caba di e situacion.

El a yega di papia cu su bisiña, kende a bis’e cu gobierno lo bay busca un solucion pasobra el a haya un tereno. Pero di 2015 nunca e tereno a yega na final p’asina e Sra. Kiki bay di eybanda. E ta cansa y fada, no ta drumi y mainta mester lanta pa bay trabou pero e cachonan no ta laga nan drumi. E problema aki ta andando desde 2015, unda cu polis a bis’e cu nan lo papia cu polis di bario. City Inspector tambe a presenta, pero tampoco no a haci nada.

E solucion cu Mary Perez ta buscando p’e bisiña move cu su cacho, pasobra aworaki tin yen enfermedad, raton ta core rond, raton ta traha buraco den su cura. Varios biaha el a pone cosnan pa raton pega. E no por soporta e cos ki mas. E kier pa gobierno busca un solucion p’e Sra. Kiki bay di eynan, ya cu e tin como 5 cacho. Loke cu e Sra. ta haci cu e cachonan ta bende nan. E no ta cuida e cachonan, pero ta bay desde 8:00AM y bin bek te anochi. Segun Mary Perez, si un hende ta stima cacho e ta cuida nan bon. Ora cu e regresa anochi, Sra. Kiki ta bin cu mas cacho y e bisiñanan no por drumi.

Amparo Osorio tambe ta haya cu e situacion aki ta algo insoportabel. Nan no por drumi anochi, pasobra e cachonan ta blaf henter anochi. Dilanti su cas tin yen sushi y anochi e no sa si nan ta laga e cachonan los, pero e cachonan ta pupu tur caminda den su cura. Amparo Osorio nunca a papia cu e doño di cacho, pero nan no por haci nada tampoco. Loke cu el a compronde ta cu Sra. Kiki tin un contract cu e doño di e tereno. Esaki ta algo insoportabel p’e bisiñanan.