Diabierna mainta a lanta di un forma malo pa un criado di bestia den area di Franse Pas. Mayoria di su cria a bay perde door di cachonan di caya cu a masacra nan.

Segun por a compronde, rond di 7’or di mainta e cabayero a bay wak su bestianan y a topa cu un bista cu a keda graba den su memoria. Su animalnan tabata na suela tur na sanger. Cinco cacho di caya a bula over di e cura y a ataca e animalnan aki ferozmente. Tristo ta cu e cachonan no tin doño pa pone un hende responsabel pa e acto aki. 

E cabayero aki tabatin 27 cabrito di cual solamente 4 a keda na bida. E otronan sea a muri mesora of mester a yama autoridadnan pa pone nan drumi debi na e estado den cual nan a keda. 

Ta hopi cla e doño a inverti den e animalnan aki pa algun aña, gastando entre 600 y 750 florin pa luna na alimento of otro material pa mantene nan saludabel. E sucedido a laga e propietario hopi decai pasobra no tin ningun hende awo pa pone responsabel pa loke a pasa.

Comments

comments