Awe mainta, aproximadamente 11:00AM, polis a presenta na e area di beach situa banda di Divi y Tamarijn Hotel pa atende cu un situacion cu un cacho brabo.
Varios persona disfrutando di e trankilidad di e beach a haya nan den susto na momento cu un cacho bastante brabo a aparece riba nan. Segun a compronde, e doño tabata den cercania pero no tabata tin e cacho na leash (na cabuya) y esaki tabata bay riba hende y causa miedo y consternacion.
Polis a bay atende cu e doño, splic’e cu e cacho mester ta na leash y asina calma e situacion pa tur cos normalisa den e area di beach bek.