Diadomingo anochi a drenta informacion cu cacho a morde hende den Emmastraat. A drenta informacion tambe cu e persona ta herida. Polisnan na yegada a topa cu e paramediconan di ambulance presente na e cas. A papia cu un pareha. E homber tabata herida cu mordi. Parce no a haya e cacho.
Polis a tuma declaracion. Notable ta cu na mas occasion den mesun caya tin hende cu a ser mordi pa cacho. Kizas nan ta pasa cerca di cura di cas y asina e cacho ta logra yega na nan y mordonan pafo riba acera. Den e caso aki no por a saca afo si ta cacho riba caya of den cura.
