Diaranson atardi laat algun habitante di Sero Patrishi a presencia ora un cacho a core subi caya, y net momento cu un ciclista tawata yegando.

Na e sitio por a scucha testigonan bisa cu e ciclista a bay di banda y cay dal su cabes ariba caminda.

E cacho lo no a bay pa atake, sino mas bien core crusa caminda bay zuid.

Mirando e kap serio cu e cabayero a haya y esaki tawata sangra hopi mesora a avisa polis y ambulance.

Ambulance a tarda basta pa yega, posiblemente debi cu e crusada di Sero Patrishi a bolbe wordo cera diaranson atardi. E ambulance mester a  desvia basta prome cu ela yega.

Na yegada Paramediconan a papia cu e ciclista cu tawata wordo atendi pa algun dama. Manera cu nan a mira e herida nan a bise cu e mester bay Hospital pa haya tratamento.

Su bicicleta a keda atras y algun persona na e sitio a keda di regla pa e yega su adres corespondiente.

Pa loke ta polis despues di hopi rato cu tur hende a bay di e sitio un patruya di trafico a yega y a haci su investigacion.

Comments

comments