Un incidente lamentabel a tuma luga na Sabana Basora Noord awe tardi, den careda di 3:30PM, ora un cacho a bula cura y ataca un menor di edad.
Na sitio a combersa cu un bisiña na cu a duna di conoce cu e susedido a straña nan tur den vecindario. E cacho ta grandi berdad pero no ta corda cu a yega di morde niun hende prome.
E mucha tabata hungando pafo y no a tuma nota cu e cacho a bula e cura. Esaki a bin directamente riba dje, no a wak e mascota ta bin di patras y esaki a morde na su lomba. Di susto y dolor, e mucha a sali na careda bay na cas di bisiña mas cerca pa ayudo. Di akinan a compañe bek su cas caminda famia a tum’e over y tambe tuma contacto cu polis.
Doño di e mascota mes no tabata na cas, pero a papia cu un persona encarga na e cas, a tuma tur datos y a bisa di carga cu tur gasto di tratamento pa herida cu e criatura a ricibi. A compronde tambe cu e cacho sa bula cura na otro ocacion. Mientrastanto e mama di e mucha a yega cas y transporta su yiu pa Hospital pa atencion medico.
