Un organisacion cu ta consisti di cabesantenan di scol publico (Hoofden Overleg Openbaar Onderwijs) HOOO, a dicidi di manda un carta via di un bufete di Abogado pa Minister di Enseñansa. Den e carta aki ta pidi Minister Rudy Lampe pa sinta na mesa cu nan y dialoga riba e cambionan anuncia.
Ta trata aki di cabesantenan di 16 scol publico di enseñansa basico, primario, secundario y avansa.
Den e carta ta menciona cu durante e reunion publico di dia 25 di mei a scucha cu e mandatario tin pensa di cuminsa cu un dialogo di innovacion cu directivanan di scol, cabesantenan, docentenan, sindicato SIMAR y otro stakeholdernan den enseñansa. Esaki, nan ta bisa den e carta, a duna nan hopi speransa ya cu e ta nifica cu e mandatario ta dispuesto pa pospone e plannan di innovacion te ora cu esaki haya of crea apoyo necesario pa cu esaki.
E abogado ta bisa cu su clientenan ta contento cu e expresion aki y ta habri pa hunto cu e mandatario y su team di maneho pensa hunto na renobacion y mehoracionnan di e sistema di enseñansa di Aruba. Y ta spera di por haci esaki den e aña escolar nobo sin e cambionnan estresante di un fusion.
Loading…
Reload document 
Open in new tab Den e carta ta pidi pa un reunion riba dialuna 8 di juni, unda por papia di e trayecto cu ta bay cana, kico ta e rol di e organisacion HOOO y su miembronan. E miembronan, e Abogado ta bisa, ta sinti un orguyo di por duna nan contribucion pa medio di nan experencia den e cambionan hunto cu e team di maneho di e Minister.
Nan ta sperando riba contesta di e Minister.
