Buskeda pa agresor na Noord: Ruman muhe a hinca otro den brasa

Polis a presenta rapidamente na un cas na noord pa dos ruman muhe cu a tabata den discucion formal cu otro cu a caba na agresion y hincamento. Tur esaki na cas di nan welo, un polis pensiona.

Diamars atardi den careda di 3:15PM a pidi presencia di polis pa un caso serio di agresion cu arma blanco. Informacion cu tin te awo ta indica cu e agresor lo a yega na e dicho cas y agredi e victima cu a resulta di ta su ruman muhe.

Ta trata aki di e dos yiunan di e señora cu a fayece den e fuga di cas den Latin Passion Bar na San Nicolas. Kico a conduci cu e dos rumannan a haya un pleito cu otro di tal indole cu el a caba na un hincamento, no ta conoci. 

Esaki a tuma luga na e cas net pariba di warda di Noord (Unidad motorisa) na e rotonde. Diferente unidad di polis a presenta como tambe ambulance cu a atende cu e victima cu a ricibi herida na su brasa banda robes.