Buskeda masal den Parke Arikok pa ilegalnan cu a yega cu boto

9208

Diaranson den oranan tempran di mainta, un boto cu a ilegal a yega tera na costa panort di Aruba. Specificamente den area di Parke Arikok.
Personal di Parke a mira movecion straño y mesora a bati alarma cerca autoridadnan. Personal di Parke mes a bay di accion en espera di yegada di Polis.

A wanta dos persona na prome instante y despues a sigui cu un buskeda y a logra detene mas persona. Por a compronde cu tin persona cu for di 5’or di mainta a mira hende canando den e area ey, tur muha, pero no a sospecha cu ta trata di ilegal.
Kustwacht ultimo tempo ta manda yen di mensahe cu ta vigila costa pero esaki ta prueba cu boto cu ilegal ta drenta na costa nort y Arashi sin cu Kustwacht sa.

Esaki ta prueba cu enfoke di Kustwacht ta robes. Niun material y militar uza a yuda of ta yudando. Ni e drone cu ta manda riba piscadonan local, pero pa gara e ilegalnan. Straño cu no ta capta e entradanan aki.

E buskeda ta sigui ya cu aparentemente rond di 20 persona mester a drenta. Keda pendiente!