Business Week di Exprodesk a yuda sigur esnan creativo den comunidad

Exprodesk tabata tin full un siman di curso. Segun Sharon Meijer, policy advisor na Departamento di Asuntonan Economico, unidad di Exprodesk, diabierna a clausura Business Week 2019 cu tabata tin como tema: Conkistando horizontenan nobo.

Den e siman aki tabata tin diferente tayer, di cual e participantenan por a scoge e ora of e dia, loke tabata cumbini mas cu nan por a atende. E great pa bisa ta cu mayoria a join tur e tayernan den full e siman y a culmina diabierna cu e ceremonia final, unda cu certificadonan a wordo parti na cada un di e participantenan.

E biaha aki a trata e-commerce. Esaki ta un tayer cu tabata wordo hopi pidi mes. E-commerce pa e personanan bay online, bende nan producto y nan servicio, nan artenan online. Pa esaki tabata tin hopi persona cu por ta mester di un tiki conocemento, cu ni tabata tin un website ainda.

Door di esaki tabata tin e prome dia, unda cu por a haya informacion, con pa haci esaki, con pa traha cu esaki. Por ehempel wordpress, tabata tin diferente informacion, pero tambe tabata tin e dia practico, unda e personanan por a traha un website simpel, cu ya nan por a cuminsa bende nan productonan caba. Sali cu un business completamente online, cu e-commerce platform ready.

Door cu a haci e workshop aki rond di e-commerce, tabata tin hopi otro cos cu tabata tin mester na luga, por ehempel e proteccion y e producto of servicio of e logo. Si tabata musico, nan canticanan. Door di esaki tabata tin asociacion di musico y artistanan Arubano, AMAA y tambe Bureau Intellectuele Eigendom cu a duna e parti di derecho di autor. Con pa proteha e obra, pero trademark, marca con pa proteha esaki y patents. Esaki tambe a wordo duna den e business week.

 

Business Week di Exprodesk a yuda sigur esnan creativo den comunidad

Posted by 24ora on Saturday, May 18, 2019

 

Awo tin e parti di e-commerce, con ta haya placa riba cuenta. Door di esaki tabata tin workshop di online payment. Tabata tin CSP, cu a bin duna tur informacion riba esaki. Den industria creativo, tabata tin pregunta, con pa haya financiamento pa haci hobby un negoshi. Tin profesionalnan cu kier cuminsa duna servicio y pa cuminsa cu nan negoshi.

Qredits tabata tey pa microcredito. Tambe tabata tin un parti di belasting. Esaki e ora a wordo duna door di Grand Thorton. Pa lanta un negoshi no ta manera cu ta pensa. A duna tur e belastingnan cu ta relevante ora di lanta un negoshi. A duna e reforma nobo, pero tambe a duna informacion di BBO, BAZV, BAVP, Grondbelasting, tur belasting cu por tin di haber cu un negoshi a wordo trata. Esey pa kita e miedo ey of pa yuda tambe pa haci e hobby bira un realidad di un negoshi.

Meijer a splica cu ta bay tin mas curso. E biaha aki tabata tin un total di 65 persona registra. E cupo ta limita. Un averahe di 35 persona a atende e 9 diferene tayernan aki. Pa Juni ta bay tin e preparacion. Esaki tabata e-commerce. Awo e parti di logistica cu semper ta un challenge cun’e, pa e producto por yega su destino, una bes cu el a wordo bendi via online.

Pa esaki e ora ey e proximo tayer ta bay atende un negoshi cu nunca a exporta, con pa pasa tur esaki pa exporta, plus e parti logistica. Esey ta bay ta e luna siguiente.

 

Un ayudo pa esnan creativo

Minister di Asuntonan Economico y di Finansas, Xiomara Ruiz-Maduro, a comenta cu Exprodesk a yuda esnan creativo den comunidad, den negoshinan chikito y mediano, pa asina por haya ekipa nan cu informacion necesario pa asina nan por haci nan negoshi den e parti aki.

Hopi tin talento pa haci diferente cos den e parti creativo, por ehempel musica. Pero tin biaha nos tin mester tambe e parti caminda cu nos ta haya conocemento, con nos ta pone esaki cu nos por haci un negoshi di dje.

Ta importante pasobra hopi biaha esakinan ta negoshi chikito y mediano cual ta wes’i lomba di un economia, sigur pa e economia di Aruba. Pesey, e ora ey ta haci hopi empeño di parti di e Departamento Economico, sigur e parti di Exprodesk. Tin tambe talento cu por exporta. Aruba conoce productonan cu por tin balor agrega pa por exporta. Pero den esaki tin cu yuda e talentonan aki na Aruba pa sa kico nan tin cu haci, con nan tin cu haci e parti aki.

E siman cu a pasa nan a haya hopi informacion, entre otro riba derecho intelectual, pero tambe riba e parti fiscal, con nan tin cu anda cu e parti aki y hopi importante tambe ta, e parti di mercadeo. No solamente mercadeo asina, pero tambe e parti digital, e parti di mercadeo digital. Nos tur sa, ta tempo di social media, kico bo tin cu haci pa asina bende bo producto. Esey ta hopi importante. Tambe ta importante con ta yega na financiamento. Sa cu negoshinan chikito ta financiamentonan chikito. Esey tambe durane e cursonan a facilita informacion con por yega na e fiansanan necesario aki, pa asina por haci di nan talento un trabao, un negoshi.

 

Trend

E negoshinan chikito, ta nan ta e wes’i lomba di comunidad. Bo kier pa bo economia lora. E ora ey for di gobierno, pasobra gobierno mes no ta comerciante, pero nan ta facilita si pa e comercio. Den e caso aki, e curso aki ta dirigi hustamente pa por capacita, facilita e comerciante chikito y mediano aki, pa asina e ora ey, cu su trabao, e ora cu su negoshi, lora e economia di nos pais.