Ciudadanonan atento a tuma contacto mesora cu polis, na momento cu nan a scucha dos tiro den area di e parke situa den parkinglot di Dyon Center na Paradijswijk, Playa.
E susedido aki a tuma luga alrededor di 8:00 pm. Polis a mobilisa inmediatamente den e area y asina a cuminsa un buskeda den e vecindario. Segun testigonan, cu ta biba den e area menciona, a confirma na 24ora cu; a scucha por lo menos dos tiro cu a bin for di e area di e parke.
Nan ta conta: Tin un grupo di hende cu ta frecuenta e parke aki y cu na momento di e sucedido nan a bandona sitio. Locual nan a menciona cu ta trata di hende habla spaño pero no por bisa si ta trata di e mes un grupo aki cu ta envolvi den e tiroteo.
Segun informacion acumula, ta papia di mas cu un persona cu a sali na careda den direccion panort (Driemasterstraat) pero polis no a topa cu nan. Tambe a tuma nota cu propietarionan di dicho establecimento a yega bek y posiblemente lo tin di haber cu camaranan di siguridad cu lo por yuda den e investigacion.
