Buscando habitantenan di St. Lucia residencia na Aruba

Departamento di Relacionnan Exterior di Aruba a ricibi un peticion for di Gobierno di St. Lucia pa apoya y yuda distribui un convocatorio na nan ciudadanonan residencia den exterior, esta e diaspora di St. Lucia. Dr. Jocelyne Clarke-Fletcher, apunta como Embahado pa Asuntonan di Diaspora, tin e tarea pa crea vinculo entre ciudadanonan di St. Lucia biba den exterior y e Gobierno di St. Lucia.

Hunto cu e Oficina pa Asuntonan di Diaspora, Embahado Clarke-Fletcher lo tin como obhetivo pa sigui avansa e esfuersonan di su Gobierno pa busca forma pa inclui participacion activo y e inclusion di ciudadadonan den exterior riba topiconan manera desaroyo nacional; mehora e pakete existente diseña pa facilita y stimula regreso pa nan pais; crea mas capacidad den e oficinanan oficial di St. Lucia den exterior pa contact y intercambia cu otro co-ciudadonan y crea un base di dato di nan habilidad (skills) y experiencia.

Tambe tin plannan pa reenforsa institutonan nacional pa nan por yuda den nan rol pa facilita e yamado na e diaspora.

Tur ciudadano y /of descendiente di St. Lucia residencia na Aruba cu ta interesa den forma parti di e proyecto aki y ta desea di haya mas informacion, por bay riba e siguiente link: http://www.govt.lc/news/government-keeps-diaspora-interests-at-heart

Tambe por tuma contacto directamente cu: Ms. Jannike Myers, Programme Assistant II to the Ambassador, Diaspora Affairs Office of the Prime Minister, Greaham Louisy Building, Waterfront, Castries. Tel: 758 468-2177 of email: [email protected]

Comments

comments