Bus a subi caminda causa accidente na Ponton

Na Ponton den oranan di atardi a sosode un accidente. Tabata banda di 5or di atardi. Na e subida di Ponton banda di un Supermercado e accidente a sosode.

E bus cu mucha aden a sali for di e parkinglot di e Supermercado. E dama chauffeur no a pone bon atencion na e trafico di ambos banda. E chauffeur a mira e trafico biniendo for di Tanki Flip y a descuida pa esun riba e caminda di Ponton direccion Tanki Flip. Un SUV a dal den e parti dilanti di e bus. No tabata tin hende herida. A haci investigacion riba e accident.