Bunita y Colorido apertura di campeonato Heineken fast pitch

Siman pasa  tabata tin e gran apertura di campeonato Heineken fast pitch di Aruba Softball Bond na verld di Kudawecha. Un anochi bunita porcierto unda equiponan a bini hunto pa brinda un bunita desfile.

Campeonato 2019 a wordo dedica na dos baluarte Jacobo Jansen y Gilbert Nando Maduro. Ambos atletanan cu un trayectoria impresionante. MC Sandra Croes a habri e anochi jamando bon bini na tur invitadonan.

Presidente di ASU Gerald Franca a hiba su discurso representando Minister di Deporte mientras Tito de Cuba di Stichting Subsidie Commissie a entrega e premio na e hobencita kende a sali Madrina di aña di ASB 2019. Presidente Endy Croes a hiba un speech gradiciendo e baluartenan y nan familiares kendenan aña aden y aña afor a sostene e atletanan unda merecidamente campeonato 2019 ta wordo dedica na nan honor.

Alaves a gradisi tur presente pidiendo atletanan pa compete duro den tereno pero corda semper pafor di tereno deport eta e vihiculo pa crea Amistad, networking y sigur un mihor concuidadano pa mañan.

Depues cu a homenagea tanto Jacobo Jansen y Gilbert Nando Maduro a entreganan un plakaat bunita como reconocemiento a bay over na jama dos atleta jong padilanti y a laga nan lesa e credo di softball. “Mi ta kere den DIOS, Mi ta stima mi Patria y lo respeta su leinan, Mi lo hunga FAIR y lo hasi MI máximo esfuerzo pa gana, Pero gana of perde mi lo saluda mi oponente DEPORTIVAMENTE!!” Depues di e credo a jama dos umpires pa pasa e proceso di huramentacion públicamente.

Finalmente a lansa e primer bala unda Jacobo Jansen a fungi como pitcher, Gilbert Nando Maduro como bateador, Muelens como umpire y KJair Thompson como cátcher. Depues di e bunita y colorido programa di apertura Royal Power Tat Fat a hunga contra Jay’s Tire Shop esta Campeon vs Sub Campeon 2018 a topa otro den e primer clash.

Resultado lo continua den otro relato. Pabien Aruba Softball Bond, Pabien atletanan, Pabien deporte di softball y danki na nos baluartenan Jacobo Jansen y Nando maduro pa nan gran aporte na nos deporte. Éxito na tur equipo.

Comments

comments