Awo cu nos ta den vakantie, muchanan por disfruta un mundo den Bula Jump Park, situa den Harbour Arena, te cu dia 11 di Augustus.
Entrada ta 15 florin pa persona y ta habri for di 3’or di atardi pa 9’or di anochi den siman y di 11’or di mainta pa 10’or di anochi durante fin di siman. William Grisales, propietario di Disney Recreaciones, a comenta cu e ta cumpliendo un soño di hopi aña. El a cuminsa cu dos Dino Jump y pa creatividad cu Payaso Willie tabata tin hunto cu e compania Disney Recreaciones, y despues a sigui cumpra mas Dino Jump.
Tur loke e tabata desea pa tin full un comunidad di Dino Jump hunto cu un pool y awo, por fin su soño ta birando realidad.Cu apoyo di Tropical Bottling Company y tur esnan cu a kere den dje, su soño ta cumpliendo awo den temporada di vakantie.Ora cu bay afo cu e muchanan, tin hopi cos di haci. Pero na Aruba, awo ta bay tin algo diferente. Ta bay tin un parke recreativo cu Dino Jump, pool, ta bay haya Minnie Mouse y Mickey Mouse, pasando asina un atardi espectacular den famia.
Ta haya tambe cuminda, catuna, raspao, icecream, tur cos. Ta un oportunidad agradabel pa bin cu mama, papa, yiunan, pues henter famia.Bula Jump Park ta habri den fin di siman y durante siman pa e muchanan y di e manera aki Grisales ta duna un bon bini na un y tur.No perde e evento aki, pasobra dia 11 di augustus lo cera e parke. Ta un oportunidad grandi pa bin cu e muchanan. No keda sin bin Bula Jump Park, bin haci coy caweta, p’asina bo tin un idea con hopi lo bo gosa di e parke aki.
Nick Nuñes di PR & Marketing di Disney Recreaciones, a comenta cu kier haci e prijs mas atractivo pa e famianan. E ta 15 florin pa entrada. Dos ticket ta bira 25 florin, 3 ticket ta bira 35 florin, 4 ticket ta bira 45 florin y 5 ticket ta bira e ora ey 50 florin. Cada famia di 4 por ehempel, tin e speling di no ta pagando 15 florin y ta drenta e parke cu henter famia.
Mayornan tambe por join, of por traha grupo pa bin disfruta di e parke y e prijs special. Djis tuma contacto y traha un pakete pa nan. Por ehempel gruponan cu ta haci deporte, cu kier haci algo den vakantie, por pasa na Bula Jump Park.Nan ta gradici tambe un sponsor cu ta haci esaki posibe, ta Malta Balashi y Coca Cola cu tin un tremendo promocion, cu ta bay cuminsa.
E muchanan ta bay purba di score y nan ta gana nan bleki di Coca Cola. Ta algo super espectacular. Por lo general, tin e apoyo di Tropical Bottling y demas sponsornan, cu a duna nan e gana pa haci e parke aki posibel. Bo sa cu e cuminda y e bar mester ta bon surti. Pa loke ta nan prijs, ta di famia. No ta prijsnan cu bo ta haya ora cu bo bay Disney World, sino na alcanse di tur saco.
Pa mas informacion of tambe pa e paketenan por tuma contacto riba nan pagina di Facebook di Bula Jump Park of tambe via Instagram. Tambe por bay riba e pagina di Disney Recreacion cu ta haci tur esaki posibel.
