Bukinan di Telefon 2020 cu tema hopi bunita di nos naturalesa y medio ambiente

E portada di e buki di Telefon 2020 ta un bista di un di nos piscanan proteha na Aruba. E ta desplega naturalesa y nos beachnan, attraccion principal pa nos bishitantenan. E otro banda di e buki di telefon patras den e seccion di Aruba Visitors Guide ta presenta un potret bunita di e prome boutique hotel di Aruba cu ta Aruba Ocean Villas cu ta promove su bungalownan luhoso como un paraiso y un lugar ideal pa keda mei mei di naturalesa, den paz, romance, harmonia y amor. E ta un lugar unico y cu hopi arte di Osyth Henriquez un artista reconoci aki na Aruba na unda e ta promove e filosofia ta inclui pa renova, re-inventa, recycla y economia circular.

E buki di Telefon 2020 ya a keda reparti na algun negoshi rond Aruba caba. Si ta desea di haya un di e bukinan aki por pasa buska esaki na cualkier Teleshop di SETAR, of supermercado, gasoline stacion, hardware store of na e oficina di Yello situa na Vondellaan (dilanti di veld di Cricket).

E buki telefon manera ta conoci ta contene hopi informacion manera paginanan blanco, paginanan pa comunidad, paginanan gel y guía pa bishitante. Den e paginanan pa comunidad por haña informacion di departamentonan di gobierno, informacion di fundacionan, camindanan pa explora na Aruba y mucho mas.